متن آذری فراخوان شورای هماهنگی راه سبز برای راه پیمایی ۲۵ بهمن

چکیده :ایندیکی یاشاییش طرزلرینه واوُلکه نین آغیر وضعیتنه اعتراض ائتمک ایران وطنداشلاری نین انسانی، قانونی و شرعی حقّیدیر. اونلار اعتراض ائدیرلر: یالان و مخالفلری تاپدالاما حاکمیتینه، آغیر یاشاییش وضعیتی، گون به گون آرتان باهالیق و معاش سیخینتیلارینا، باجاریقسیزلیغین مملکتین اداره سینی أله آلماسینا، امین-آمانلیغین برباد اولونماسینا، اخلاقی دگرلرین محو اولماسینا، اعتیاد و جنایتین گوندن گونه چوخالماسینا، یوخسوللوغون هر ساعات داها دا آرتماسینا، بین الخالق عالمده تحقیرائدیجی وضعیته دوشمگه، اقتصادیات، مدنیت و معارف ساحه لرینده حربچی سایاق مدیریته، قادنیلار، قوملار، باشقا دین و آیینلره اینانانلار و باشقاجور دوشوننلر قارشیسیندا آیری سئچیلیک سیاستینی یوروتمگه، یاشیل حرکات رهبرلری همچنین سئچگیلردن سونرا زندانا دوشن باشقا محبوسلارین غیرقانونی حبس اولونمالارینا؛ بونلارا اعتراض ائتمک ایرانلیلارین دانیلماز حقیدیر.بوناگؤره، یاشیل حرکاتین بوتون طرفدارلاریندان دعوت ائدیریک کی، تهراندا 25 بهمن گونو ناهاردان سونرا ساعات 4-دن 7-یه قده ر انقلاب و آزادی خیابانلاری (فردوسی میدانیندان نواب خیابانینا قده ر) سکی لرده، سایر شهرلرده ایسه هر بیر شهرین اساس خیابانیندا (یئرلی فعاللارین قرارینا گؤره) سس سیز یورویوش ائتسینلر.آیدیندیرکی، یاشیل حرکات هئچ بیر زامان کوبود حرکتلرین طرفداری اولماییب، همیشه هامینی دینج و مسالمت آمیز اعتراضا چاغیریر. ...

امیدین یاشیل یولو هماهنگلیک شوراسی بوتون وطنداشلاری بهمن آیی نین۲۵-ده اعتراض نمایشی کئچیرمگه دعوت ائدیر

“آللاه هئچ بیر میلّتین طالعینی اونلارین اوُزوایسته مه یینجه دگیشمز” (رعد سورسی ۱۱ اینجی آیه)
“بوگون یئنی بیر دونیاگوُروشومیداناگلیب.قاباقجیللاری شهیدلری اولان ،بایراقدارلاری ایسه اسیرلری اولان بیر دونیاگوُروشو.کوبودلوغو آتان ودگیشیکلیک یولونودینج یوللارداآختاران بیردونیاگوُروشو.مختلف سسلری رسمییته تانییان ومیلی بیرلیگی قبریستانلیق ساکیتلیگینده دگیل،جمعی عقلانیتده آختاران بیردونیاگُوروشو.عدالتی صدقه اقتصادیندادگیل،برابرفرصتلریاراتماق ویوخسوللاری گوجلندیرمکده گوریر.”
(مهدی کروبی ومیرحسین موسوی جنابلارینین ۲۲بهمن ۱۳۸۹عرفه سینده یایدیقلاری بیاننامه دن بیرپارچه)

آزادفیکیرلی وبیلن وطنداشلار

ایران وایرانلیلاراوُزتاریخلری نین اَن چتین دوُورلریندن بیرینی باشدان کئچیردیرلر.دولت آداملاری نین لیاقتسیزلیگی نتیجه سینده میلی منافع وسرمایه لرهدر اولونور.سون ایللرده ایرانین نفتدن اَلدن ائتدیگی گلیر۶۰۰میلیارددلاردان چوخ اولماسیناباخمایاراق وعدالتین یالانچی مدعی لری”نفت پولونو خلقین سفره سی باشینا گتیرمک” شعاری ایله حاکمیتی اَله کئچیرمه لرینه باخمایاراق،اونلارین عمللری نین نتیجه سی اقتصادیاتین تنزله اوغراماسی سرمایه قویولوشونون اُن آشاغی سویه یه ائنمه سی وایشسیزلیک ایله انفلاسیونون سون۲۰ایلده ان یوخاری سویه یه قالخماسیندان باشقا بیر شئی اولماییبدیر.ایران مرکزبانکی وایران استاتیستیک مرکزی رسمی راپورتلاری،همچنین بین الخالق موسسه ومرکزلرین منبعلرینه مراجعه ائدنده همین مسئله آیدین شکیلده اثبات اولونور.سون آیلاردا بانک فسادلاری ومثلی گورُونمه میش بیر اختلاسین(۳۰۰۰میلیارد تومن مالی سواستفاده) اولکه نی بوروین مالی واداری فسادین آچیق نشانه لریندن بیریدیر.

مهندس میر حسین موسوی کئچمیشده بئله آغیروضعیتین یارانماسینادایرخبردارلیق ائتمیشدی.تاسفله اوُلکه نین مقدراتی اوچون اوره گی چیرپینان بئله بیرشخصییتین خبردارلیقلارینامسئول مقاملار آراسینداقولاق آسان تاپیلمادی.
بئله بیروضعیتده دیرکی،۳۹نفرسیاسی محبوس وزنداندااولان ۳۹ آزاده انسان اورتاق بیر بیاننامه یایاراق ایران خلقی نین اعتراضلاری و انسانی-دموکراتیک ایستکلری نین،یاشیل حرکاتین رهبرلری نین آزاداولونماسینی اُون پلانا چکه رک،داوام ائتدیریلمه سینی طلب ائتمیشلر.

ایندیکی یاشاییش طرزلرینه واوُلکه نین آغیر وضعیتنه اعتراض ائتمک ایران وطنداشلاری نین انسانی، قانونی و شرعی حقّیدیر. اونلار اعتراض ائدیرلر: یالان و مخالفلری تاپدالاما حاکمیتینه، آغیر یاشاییش وضعیتی، گون به گون آرتان باهالیق و معاش سیخینتیلارینا، باجاریقسیزلیغین مملکتین اداره سینی أله آلماسینا، امین-آمانلیغین برباد اولونماسینا، اخلاقی دگرلرین محو اولماسینا، اعتیاد و جنایتین گوندن گونه چوخالماسینا، یوخسوللوغون هر ساعات داها دا آرتماسینا، بین الخالق عالمده تحقیرائدیجی وضعیته دوشمگه، اقتصادیات، مدنیت و معارف ساحه لرینده حربچی سایاق مدیریته، قادنیلار، قوملار، باشقا دین و آیینلره اینانانلار و باشقاجور دوشوننلر قارشیسیندا آیری سئچیلیک سیاستینی یوروتمگه، یاشیل حرکات رهبرلری همچنین سئچگیلردن سونرا زندانا دوشن باشقا محبوسلارین غیرقانونی حبس اولونمالارینا؛ بونلارا اعتراض ائتمک ایرانلیلارین دانیلماز حقیدیر.
بوناگؤره، یاشیل حرکاتین بوتون طرفدارلاریندان دعوت ائدیریک کی، تهراندا ۲۵ بهمن گونو ناهاردان سونرا ساعات ۴-دن ۷-یه قده ر انقلاب و آزادی خیابانلاری (فردوسی میدانیندان نواب خیابانینا قده ر) سکی لرده، سایر شهرلرده ایسه هر بیر شهرین اساس خیابانیندا (یئرلی فعاللارین قرارینا گؤره) سس سیز یورویوش ائتسینلر.
آیدیندیرکی، یاشیل حرکات هئچ بیر زامان کوبود حرکتلرین طرفداری اولماییب، همیشه هامینی دینج و مسالمت آمیز اعتراضا چاغیریر.

امید یاشیل یولونون هماهنگلیک شوراسی
۹ بهمن ۱۳۹۰