کمک ۳۵۰ هزار یورویی لوکزامبورگ به افغانستان

دفتر هماهنگ‌کننده کمک‌های بشردوستانه سازمان ملل متحد (اوچا) گفت لوکزامبورگ ۳۵۰ هزار یورو به افغانستان کمک کرده است.

اوچا روز چهارشنبه، ۲۷ ثور، با نشر توییتی نوشت لوکزامبورگ این مبلغ پول را به صندوق کمک‌های بشردوستانه افغانستان برای سال جاری میلادی تحویل داده است.

این نهاد افزود لوکزامبورگ از سال ۲۰۲۰ تا کنون ۱.۵۸ میلیون یورو با احتساب این کمک به افغانستان کمک کرده است.