کارزار تطبیق واکسن پولیو در افغانستان

نهاد موسوم به «افغانستان عاری از پولیو» اعلام کرد که قرار است کارزار تطبیق واکسن پولیو(فلج اطفال) تا چند روز دیگر در شماری از ولایت‌های افغانستان آغاز شود.

این نهاد امروز در صفحه «ایکس» نوشت کارزار تطبیق واکسین پولیو روز دوشنبه، ۱۸سرطان، در شماری از ولایت‌های افغانستان آغاز می‌شود.

نهاد «افغانستان عاری از پولیو» مشخص نکرده که چه تعداد کودک در این کارزار واکسینه خواهند شد و در چند ولایت کشور برگزار می‌شود.

این نهاد حدود سه ماه پیش نیز کارزار تطبیق واکسن پولیو را در ۲۱ ولایت کشور راه‌اندازی کرده بود.

این در حالی است موارد مثبت بیماری پولیو در سال جاری در ولایت‌های نورستان، کنر، هرات، قندهار و غزنی ثبت شده است.